MATERI GEGURITAN FASE E

MATERI GEGURITAN 

A.     Kawruh babagan geguritan

       Karya sastra kang wujud saking rasaning ati kang diungkapake dening penyair nggunakake basa kang endah diarani geguritan. tegese geguritan yaikut salah sawijining karya satsra jawa kang diripta minangka awujud saka wedharan gagasan/rasa pangrasa panyerat. basa sajroning geguritan migunakakae basa rinengga sarta duweni sipat konotatif, simbolis lan lambang jalaran nggambarake imajinasi panyerate.

        Geguritan kaperang dadi loro, yaiku geguritan tradhisional lan geguritan modern. Geguritan tradhisional yaiku susastra jawa kang awujud tembang, kayata tembang macapat lsp. Dene geguritan modern sipate bebeas lan mardika utawa susastra jawa kang ora kaiket dening oaugeran  kaya dene geguritan tradhisional. Paraga sing nyiptakake geguritan modern yaiku R. Intoyo lan subagyo I.N, karyane yaiku Dayaning Sastra lan Subagyo karyane yaiku Gelenging Tekad.

B. Unsur pandhapuk geguritan

        Geguritan modern kahdpuk ana unsur instrinsik lan ekstrinsik, kayata:

     Unsur instirnsik : 

1. Tema yaiku prakaraning geguritan, tuladhane ana agama, katresnan, lingkungan, pendhidhikan, penguripan.
2. Gambaran pengindraan yaiku bisa digunakake kanggo nemokake isine geguritan dening pamaca. pangindraan pangrasa, pangindraan pandelelng, pangrungu, pangambu.
3. Dhiksi yaiku kanggo nagsilake geguritan kang trep, panganggit mesthi mikirake pilihan tembung kang mathuk. dhiksi utawa pamilihan tembung ancase kanggo ngasilake geguritan kang endah.
4. Rima yaiku unen unen kanthi dibolan-baleni kang ndadekake geguritan katon endah.
5. Purwakanthi yaiku tembung kang wiwitan lan pungkasan gandheng, tuladhane: ana dina dadi upa, ana wan dadi pangan. sluman slumun slamet, ngelmu iku luwih pangaji ajine tanpa tandhing.
6. Amanat yaiku piwulang utawa pitutur kang diaturake pangarang sakjroning geguritan.

    Unsur ekstrinsik

1. Unsur piwulang
2. Unsur sosial
3. Unsur biografi

C. Gancarake geguritan

    Menawa kepingin jeals anggone isi geguritan kita prelu gancarake geguritan. gancarake geguritan yaiku njlentrehake geguritan nganggo basane dhewe kanthi awujud paragraf. tehnik kanggo gancarake yaiku:

1. Maca geguritan kanthi premati, menawa prelu dibolan-baleni
2. golek teges tetembungan kang angel supaya gampang dimangertosi
3. prelu digatekakae menawa geguritan duweni amanat 
4. Tambahana tembung saengga dadi gancaran sing luwih apik

D. Tehnik Maca Geguritan

       Prelu digatekakae yen maca geguritan kudu nganggo paugeran-paugeran yaiku:

1. Mangerosi isi geguritan kang bakal diwaca
2. Praupane lan obahe awak kang trep
3. Bener sajroning medhot tetembungan
4. Pas Anggone munggah mudhun swara

E. Nulis geguritan

    Nulis geguritan kudu nggatekake tehnik-tehnik panulisan geguritan kang trep yaiku:

1. Nemtokakae tema
2. Nemtokake dhiksi kang pas
3. Nggunakake rima lan purwanthi
4. milih wujud fisik geguritan
5. Pamilihan irah-irahan kang jumbuh karo isine geguritabn

Tuladha geguritan

Paseksen

Wolak-waliking jaman
Sejarah bisa tiba klumah
kesrimpt landheping ilat
sing lagi disumed ngalad-alad
lelakon urip jungkir balik
ing kelir kang mahajembar
gisik diplintir kaya bahan martabak
dibanting dijereng mblabar melar
sakdurunge dimamah lan di ulu
digoreng dikantheni bumbu
ilate sapa yen dudu sengkuni suman
gawe mobah mosiking alam
sejarah minangka paseksen
menggak menggok kaya ula nglangi
gurit kapiji bisa ngresiki
leletheging ati sing kebak ri bebondhotan